SCIENCE PINAS: Lakbay-Tuklas ng Science at Travel

Abangan ang first episode ng Science Pinas ngayong February 15, 2025 handog ng Department of Science and Technology (DOST)! Hatid nito ang kakaibang kombinasyon ng Science at travel, kung saan tampok ang mga kwento ng Science, Technology, at Innovation (ST&I) na nagpapabago sa mga industriya at komunidad sa buong bansa.

Science Pinas (Luzon)

(Watch the teaser HERE)

Pero, ano nga ba ang Science Pinas?

Ang Science Pinas ay isang programa na nagpapakilala ng konsepto ng Science Tourism, na naglalayong ipakita kung paano nagagamit ang siyensya at teknolohiya upang mapaunlad ang turismo, kultura, at kabuhayan. Sa bawat episode, mararanasan ang kakaibang saya ng isang scientific expedition habang binibigyang-pansin ang kahalagahan ng innovation sa mga lokal na komunidad. Para itong kombinasyon ng pamamasyal at edukasyon, na nagiging kapana-panabik na adventure para sa lahat ng manonood.

Bilang bahagi ng programa, tampok ang 11 Niche Centers in the Regions (NICER) mula sa DOST’s Science for Change Program. Ang mga sentrong ito ay nagbibigay suporta sa mga komunidad sa pagpapalakas ng kanilang lokal na industriya at pagkamit ng mga inobasyon para makamit ang sustainable development. Para sa unang handog ng Science Pinas, ipapakita ang kahanga-hangang ganda ng Ilocos Norte at ipapaliwanag kung bakit ito tinaguriang Garlic Capital of the Philippines. Tampok din sa episode ang tulong na ibinibigay ng ST&I upang higit pang mapaunlad ang industriyang ito. 

Ang Science Pinas ay hindi isang pangkaraniwang science show, kundi isang kakaibang paraan upang gawing educational ang bawat lakbay-tuklas. Sa bawat episode, mapapanood ang mga magagandang tanawin ng Pilipinas habang nalalaman ang mga kahalagahan at epekto ng Science at technology sa pagpapabuti ng ating buhay at ng ating bansa. 

Science Pinas (Visayas)

Pinangungunahan ang programa nina Mark Wei, isang professional model at host, at Riana Pangindian, Miss World Philippines 2021 First Princess at motivational speaker. Hatid nila ang sigla at inspirasyon sa bawat kwento ng Siyensya at Travel. 

Science Pinas (Mindanao)

Huwag palampasin ang first episode ng Science Pinas sa GTV Channel 11 ngayong February 15, 2025, 9:00 AM. Mapapanood din ang livestream ng programa sa DZBB official Facebook page. 

Para sa iba pang impormasyon, bisitahin ang aming website sa www.dostv.ph. At ifollow din kami sa Facebook, TikTok, at YouTube.

Sama-sama nating tuklasin ang ganda ng Science at Travel sa isang makabagong paraan. Tara na’t maglakbay-tuklas sa Science Pinas!